Xa está en marcha o programa formativo do GDR Costa da Morte para o ano 2025
- Admin
- hace 1 día
- 1 Min. de lectura
Vimianzo, 16 de xuño de 2025
O GDR Costa da Morte continúa co seu plan formativo destinado a apoiar a profesionalización, modernización e sustentabilidade das explotacións agrarias na comarca.
Neste momento están en marcha tres cursos prácticos, que están a ter unha moi boa acollida:
Caderno Dixital Agrario — iniciado o 11 de xuño en Dumbría: destinado a formar nas últimas ferramentas de xestión, así como aclarar dúbidas na aplicación desta nova obriga legal nas explotacións.
Transición da Agricultura Convencional á Ecolóxica — iniciado o 5 de xuño na Laracha: formación centrada nas alternativas máis respectuosas co medio ambiente, aumentando así o valor engadido das producións.
Transición da Agricultura Convencional á Ecolóxica — iniciado o 10 de xuño en Muxía: asesoramento técnico para apoiar o paso hacia a certificación ecolóxica das explotacións.
Esta formación é de balde, con prazas limitadas, e forma parte do Programa LEADER PEPAC 2023-2027, que o GDR Costa da Morte leva a cabo para contribuír ao desenvolvemento económico, social e medioambiental do territorio.
Esta iniciativa enmárcase na estratexia do GDR Costa da Morte para promover a sustentabilidade, o emprendemento e a valorización do medio rural, dentro do programa LEADER PEPAC 2023-2027.
Máis información e inscricións:
> Departamento de comunicación do GDR Costa da Morte
Para máis información:
- 981 71 73 58 (Centraliña) - www.gdrcostadamorte.com -Twitter: @GDRCostadamorte - gdrcostadamorte.wordpress.com - Tamén podes visitar a nosa páxina en Facebook
Comments