> Proxectos Non Produtivos
Listaxe de Proxectos
Proxectos Non Produtivos Aprobados
> Deseño e desenvolvemento de nova web wordpress do Concello de
Coristanco
Expediente: 7119-22-0013
Promotor:
Lugar:
Puntuación:
Prioridade:
% de Axuda:
Investimento Aceptado:
Subvención Aprobada:
Descrición:
Concello de Coristanco
Coristanco
41 puntos
Alta
80,40%
10.587,50 €
8.512,35 €
O proxecto consiste en desenvolver unha nova web en wordpress que xere credibilidade e axude ao concello para destacarse utilizando un deseño que atraia e á vez utilizando última tecnoloxía en canto a desenvolvemento e programación. A páxina web será completamente accesible a través de dispositivos móbiles, tablets e computadores e se adaptará independentemente do seu tamaño. Búscase a facilidade de uso, organizando a súa estrutura cunha navegación sinxela que atraia ao usuario.
Obxectivos: conseguir un portal institucional do concello como ferramenta esencial, que proporcione aos usuarios información relevante sobre a institución, os seus servizos, proxectos, noticias e eventos. Así como realizar servizos en liña.
> Nova web do Concello de Zas
Expediente: 7119-22-0017
Promotor:
Lugar:
Puntuación:
Prioridade:
% de Axuda:
Investimento Aceptado:
Subvención Aprobada:
Descrición:
Concello de Zas
Zas
40 puntos
Alta
80,00%
15.004,00 €
10.000,00 €
O proxecto consiste na elaboración da nova páxina web do Concello de Zas, un proxecto integral que abarca desde a planificación inicial ata a posta en marcha e mantemento do sitio. O obxectivo principal é ofrecer unha plataforma moderna, intuitiva e segura, que mellore a comunicación institucional e impulse o turismo na Costa da Morte interior, destacando os recursos naturais e culturais do municipio.
A nova web estará estruturada en dous grandes apartados: un institucional, con información municipal e noticias de interese para a cidadanía, e outro turístico, onde se potenciarán os atractivos naturais de Zas. Ademais, o proxecto inclúe a migración de contidos da web anterior, o traslado dos dominios ao novo servidor e a implementación de medidas avanzadas de seguridade e rendemento.
Con este proxecto, o Concello de Zas contará cunha presenza online renovada, moderna, funcional e segura que ofrecerá unha infraestrutura robusta e protexida, garantindo a continuidade e fiabilidade do servizo.
> Aula audiovisual dixital en Olveira
Expediente: 7119-22-0008
Promotor:
Lugar:
Puntuación:
Prioridade:
% de Axuda:
Investimento Aceptado:
Subvención Aprobada:
Descrición:
Concello de Dumbría
Olveira (Dumbría)
39 puntos
Alta
79,60%
17.908,00 €
14.254,77 €
Proxecto de creación de aula audiovisual dixital equipada con recursos tecnolóxicos avanzados, como computadoras, cámaras, micrófonos e sistemas de proxección, que faciliten a integración de contidos multimedia no proceso de ensino e aprendizaxe. A súa finalidade é potenciar o interese, a creatividade e as habilidades dixitais dos participantes, adaptándose ás demandas da sociedade moderna.
Obxectivos previstos: fomentar o uso de recursos audiovisuais para mellorar a comprensión e retención dos contidos curriculares; desenvolver habilidades técnicas e creativas na produción e edición de contidos dixitais, como vídeos, podcasts e presentacións interactivas; promover a participación activa e o traballo en equipo mediante actividades colaborativas en contornas dixitais; impulsar a alfabetización dixital e habilidades de comunicación nos estudantes, preparándoos para un mundo cada vez máis tecnolóxico; incrementar a motivación e o interese nas materias a través de metodoloxías innovadoras e recursos multimedia atractivos.
> Centro de envellecemento activo e saudable en Orbellido
Expediente: 7119-22-0016
Promotor:
Lugar:
Puntuación:
Prioridade:
% de Axuda:
Investimento Aceptado:
Subvención Aprobada:
Descrición:
Concello de Vimianzo
Orbellido (Vimianzo)
32 puntos
Alta
76,80%
25.842,45 €
19.847,00 €
O proxecto consiste na creación dun centro de envellecemento activo e saudable en Orbellido, a partir dun edificio municipal que estivo dedicado a centro de interpretación do encoro. Este novo espazo funcionará como punto de encontro e dinamización para persoas maiores, ofrecendo actividades adaptadas ao seu benestar físico e emocional, así como servindo de base para saídas organizadas de sendeirismo polo contorno natural do encoro e para actividades de observación astronómica, aproveitando as condicións privilexiadas do lugar. Este novo recurso encaixa nos programas do Concello de Vimianzo (educación social para maiores, actividades de memoria, loita contra a soidade, etc.).
> Obras de acondicionamento interior para aula de formación en Corcoesto
Expediente: 7119-22-0020
Promotor:
Lugar:
Puntuación:
Prioridade:
% de Axuda:
Investimento Aceptado:
Subvención Aprobada:
Descrición:
Concello de Cabana de Bergantiños
Corcoesto (Cabana de Bergantiños)
27 puntos
Alta
74,80%
27.723,23 €
20.736,98 €
Preténdese levar a cabo as obras de acondicionamento necesarias para implementar unha aula de formación nun local social no lugar de Cures (parroquia de Corcoesto).
O obxecto previsto é ter unha aula en condicións para poder ofrecer aos veciños/as actividades de formación abertas para todos os públicos.
> Portal web do Concello de Cee
Expediente: 7119-22-0010
Promotor:
Lugar:
Puntuación:
Prioridade:
% de Axuda:
Investimento Aceptado:
Subvención Aprobada:
Descrición:
Concello de Cee
Cee
23 puntos
Alta
73,20%
12.100,00 €
8.857,20 €
A proposta presentada pretende a mellora do portal web do concello de Cee de forma que sexa unha plataforma dixital innovadora que facilite a interacción entre turistas, residentes e xestores do destino. O seu deseño estará baseado nos principios de accesibilidade universal, tecnoloxía avanzada e sostibilidade, aliñándose co modelo do Destino Turístico Intelixente (DTI). Entre os obxectivos a acadar atópanse o desenvolvemento dun espazo dinámico e interactivo que impulse o turismo en Cee e mellore a experiencia de visitantes e residentes, facilitando a accesibilidade universal garantindo que o portal sexa accesible para persoas con discapacidade, mellorar a semántica web, fomentar o turismo sustentable, promovendo prácticas responsables e minimizando o impacto ambiental, posicionando a Cee como un destino Turístico Intelixente, incrementando o seu atractivo.
> Adaptación do salón de actos da Casa de Cultura para a realización de
congresos e actividades formativas
Expediente: 7119-22-0009
Promotor:
Lugar:
Puntuación:
Prioridade:
% de Axuda:
Investimento Aceptado:
Subvención Aprobada:
Descrición:
Concello de Corcubión
Corcubión
22 puntos
Alta
72,80%
18.016,90 €
13.116,30 €
A actuación proposta céntrase na adaptación do Salón de actos da Casa da Cultura de Corcubión para a realización de congresos, cursos e formación diversa. Prevese así a dotación dun novo sistema de imaxe e son neste salón de actos, que conta cunha capacidade para 374 persoas e pola sua dotación actual está infrautilizado que permita permitindo así ser usado como un espazo de congresos e aula de formación. Para iso proponse a execución dun novo sistema de audio e imaxe completo (altofalantes, microfonía, mesa de son, proxector, pantalla de grandes dimensións e ordenador portatil).
Con este investimento en novas tecnoloxías crearíase un novo espazo onde poder realizar cursos de formación e albergar congresos que darían un pulo económico a unha vila como Corcubión.
Trátase porén e dotar de recursos tecnolóxicos un espazo infrautilizado cos obxectivos de: poder realizar presentacións, congresos e actividades formativas diversas; accesibilidade do público en xeral á formación e as novas tecnoloxías; creación dun espazo inexistente no Concello (aula formativa dixital).
> Proxecto de desenvolvemento da aplicación informática para a inscrición
nos servizos e nas actividades culturais e deportivas municipais
Expediente: 7119-22-0014
Promotor:
Lugar:
Puntuación:
Prioridade:
% de Axuda:
Investimento Aceptado:
Subvención Aprobada:
Descrición:
Concello da Laracha
A Laracha
20 puntos
Alta
72,00%
23.232,00 €
10.000,00 €
Consiste na posta en marcha dunha nova ferramenta informática a través da que se poderá facer a inscrición de actividades deportivas e culturais municipais en liña, dun xeito sinxelo, áxil e rápido. Preténdese dotar á cidadanía dunha aplicación intuitiva, funcional e dinámica, para poder consultar a dispoñibilidade das actividades deportivas e culturais municipais coa finalidade de realizar inscricións no momento sen ningún tipo de complicación, dun xeito moi práctico e cómodo dende o móbil ou outro dispositivo electrónico.
Trátase dunha ferramenta que facilitará enormemente os trámites a todo aquel que estea interesado en realizar inscricións nas actividades deportivas e culturais. Con esta aplicación, o concello segue a dar pasos importantes no seus obxectivos de convertela nunha administración máis moderna e de facer que as plataformas virtuais sexan importantes ferramentas de información e xestión aínda máis accesibles, áxiles e adaptadas ás necesidades reais do cidadán.
> Rehabilitación e recuperación das Fontes e Lavadoiro do Bieiteiro, no
Concello de Laxe
Expediente: 7119-22-0012
Promotor:
Lugar:
Puntuación:
Prioridade:
% de Axuda:
Investimento Aceptado:
Subvención Aprobada:
Subvención en Reserva:
Descrición:
Concello de Laxe
Laxe
29 puntos
Media
55,60%
15.606,24 €
7.483,24 €
1.193,83 €
As actuacións a executar buscan mellorar a funcionalidade, a integración paisaxística e a seguridade no uso das instalacións, levándose a cabo as seguintes actuacións:
- Fonte e lavadoiro Rúa Río: limpeza con auga a presión de ambos elementos; reparación do picho da fonte; substitución dos elementos deteriorados que conforman o contorno (bancos).
- Fonte prolongación Rúa Roda: limpeza con auga a presión da fonte e do contorno; chapado de fonte e muro de contención co fin de acadar unha integración correcta no entorno; substitución de reixas en mal estado; colocación de banco; colocación de varandas en escaleiras de chegada a zona.
> Acondicionamento de local do teleclub de Buño como centro de inclusión
para combater a soidade non desexada no medio rural (programa
acompáña-te no rural)
Expediente: 7119-22-0005
Promotor:
Lugar:
Puntuación:
Prioridade:
% de Axuda:
Investimento Aceptado:
Subvención Aprobada:
Descrición:
Asociación Cultural Progreso
Buño (Malpica de Bergantiños)
51 puntos
Alta
84,40%
73.948,79 €
38.000,00 €
O proxecto consiste en acondicionar o local denominado teleclub de Buño para adaptalo ás novas necesidades que xorden na localidade, e que neste caso trátase de combater a soidade non desexada das xentes das aldeas e parroquias próximas, e que se atopan soas nas súas casas. Persoas (maiores ou non maiores) que deixan de socializar pola perda de poboación no rural.
O obxectivo principal e dotar á poboación afectada dun espazo de encontro onde podan acudir a realizar actividades de ocio e/ou desenvolver algunha actividade programada, charlas, cursos de formación etc. Tamén se contempla un servizo de acompañamento para facer xestións ordinarias, asistencia a centro médico,... Por tal motivo contarse cun grupo de voluntarios para xestionar as actividades do centro.
> Rehabilitación de muro medianero na Casa do Concello (Fisterra)
Expediente: 7119-22-0018
Promotor:
Lugar:
Puntuación:
Prioridade:
% de Axuda:
Investimento Aceptado:
Subvención Proposta:
Descrición:
Concello de Fisterra
Fisterra
28 puntos
Media
55,20%
30.891,24 €
17.051,96 €
As obras proxectadas afectan ao muro medianeiro existente na parte posterior da Casa do Concello de Fisterra. O muro obxecto do proxecto consiste nun muro de formigón, con alzado en forma trapecial e cun chanzo a media altura por redución do seu espesor. O muro fai de medianeira entre o espazo libre existente na parte posterior da Casa do Concello e as edificacións acaroadas no seu vento suroeste. A superficie é de 136,75 m². No seu encontro co paseo Calafigueira remata nun muro de cachotería, vestixio dalgunha antiga edificación ou muro que existiron no lugar. Cabo do muro existe unha pérgola metálica cuberta en parte con vidro. No seu estado actual o muro presenta un acabado a base de pintura plástica de cor verde, con restos de vexetación trepadora e con cableado de instalacións eléctricas a media altura e no seu lateral esquerdo, en mal estado de conservación. Proponse repara-lo muro de cachotería e o alzado do muro de formigón, ocultar a canalización vistas, revestir a metade inferior do muro cun aplacado de granito sobre perfís metálica, pintar a metade superior e cubrir con pedra decorativa o terreo en contacto coa súa base. Para a pérgola, proponse limpar toda a súa superficie por medio de granallado ata retirar todo o ferruxe e a pintura existente, para posteriormente pintala con pintura de protección anticorrosión.
> Pan de Carballo, Produto Artesán
Expediente: 7119-22-0019
Promotor:
Lugar:
Puntuación:
Prioridade:
% de Axuda:
Investimento Aceptado:
Subvención Proposta:
Descrición:
Concello de Carballo
Carballo
18 puntos
Media
51,20%
25.079,20 €
10.000,00 €
O proxecto ten como finalidade a posta en valor do pan de Carballo como símbolo identitario, económico e cultural do municipio, ao tempo que se pretende fortalecer o tecido rural e promover un desenvolvemento sostible baseado nos recursos propios. O proxecto busca tamén preservar a memoria colectiva arredor do pan e de todo o proceso de produción: dende o traballo agrícola ata a moenda, a preparación das masas e a cocción nos fornos tradicionais. A recuperación destes coñecementos e relatos populares contribúe á conservación do patrimonio inmaterial e serve de base para o deseño de novas iniciativas culturais, educativas e turísticas.
Así mesmo, preténdese difundir o valor dos recursos naturais asociados á elaboración do pan no municipio de Carballo, con especial atención á calidade da auga, un ingrediente fundamental que incide directamente nas propiedades e no sabor do produto final. A existencia de mananciais e sistemas de abastecemento que permiten dispor dunha auga limpa e pura constitúe un factor diferencial que importa poñer en valor, tanto dende o punto de vista produtivo como patrimonial e ambiental.