Ampliado o prazo para participar no programa "Tierra de Oportunidades 2026" ata o 11 de xuño
- hace 1 día
- 1 min de lectura
Vimianzo 28 de maio de 2026
A convocatoria do programa "Tierra de Oportunidades 2026" amplía o prazo de presentación de candidaturas ata o xoves 11 de xuño ás 17:00 horas, co obxectivo de facilitar a participación das persoas emprendedoras e promotoras de proxectos do territorio.
A iniciativa, impulsada por CaixaBank en colaboración coas entidades de desenvolvemento rural, ofrece unha oportunidade para formar parte dunha comunidade de proxectos de todo o territorio, ademais de acceder a apoio económico, mentoría e programas de acompañamento.
Entre os beneficios da convocatoria destacan un premio comarcal de 1.000 euros, o acceso a mentorías personalizadas durante seis meses, prazas de tándem universitario con U4Impact e a posibilidade de participar no concurso “El reto de Tierra de Oportunidades”, con novos premios e accións de promoción para os proxectos seleccionados.
A organización recomenda ás persoas solicitantes revisar ben a documentación e completar todos os campos da solicitude para evitar incidencias no proceso.
As candidaturas poderán presentarse ata o 11 de xuño ás 17:00 horas.
Información e acceso á convocatoria: Tierra de Oportunidades – CaixaBank
Rexistro de candidaturas: Plataforma de inscrición
Vídeo promocional do programa: Ver vídeo promocional
Máis información en:
Presenta a túa candidatura!!
ENLACES DE INTERESE
Comentarios