Encontro INTERRITMOS en Mazaricos: Conexión coa tradición e a improvisación
- hace 2 días
- 1 Min. de lectura
Vimianzo 11 de maio de 2026
O proxecto de cooperación Interritmos Raíces Vivas continúa a deixar pegada nos distintos territorios participantes, e a pasada semana fixo parada en Mazaricos cunha xornada que reuniu arredor de 60 persoas no Auditorio da Casa da Cultura da Picota.
O encontro, celebrado o 8 de maio, desenvolveuse nun ambiente participativo e moi dinámico, no que o público puido gozar dunha experiencia arredor da música e da danza de raíz desde unha perspectiva contemporánea.
A actividade contou coa participación da bailaora Yolanda Osuna e do creador e intérprete Xurxo Fernandes, que guiaron unha proposta artística baseada na conexión coa tradición, a creación compartida e a expresión cultural a través da danza. Ademais, a sesión estivo amenizada musicalmente por Yas Deluaces, amosando o seu talento na súa terra e enriquecendo a experiencia das persoas asistentes.
Ao remate da xornada, o público desfrutou tamén dunha degustación de produtos locais, na que se continuou reforzando lazos entre a comunidade e cun acercamento a cultura dos distintos territorios participantes.
O proxecto de cooperación "Interritmos - Raíces Vivas" está promovido polos Grupos: Asociación Deloa (entidade coordinadora), Ribeira Sacra-Courel, Costa da Morte, Miño-Ulla, Salnés - Ulla - Umia, Asdecomor, Comarca de Lugo, Adercou, Terra e Auga, Sil Bibei Navea e Pontevedra Norte, no marco do Leader Galicia 2023–2027, coa colaboración da Fundación Paideia Galiza e da Fundación Paco de Lucía.
> Departamento de comunicación do GDR Costa da Morte
Para máis información:
- 981 71 73 58 (Centraliña)
-Twitter: @GDRCostadamorte
- Tamén podes visitar a nosa páxina en Facebook
Comentarios