Publicada a convocatoria de axudas Leader para as anualidades 2023-2024
Vimianzo, 29 de decembro de 2022
No Diario Oficial de Galicia de hoxe foi publicada a convocatoria de subvencións, en réxime de concorrencia competitiva, para a execución de proxectos ao abeiro da submedida 19.2 da medida Leader do PDR de Galicia 2014-2020, para as anualidades 2023 e 2024, cofinanciadas co FEADER (procedemento MR701D).
Proxectos subvencionables
Serán subvencionables proxectos de natureza produtiva que supoñan a realización dunha actividade económica con fins lucrativos e tamén proxectos de natureza non produtiva, consistentes na realización dunha actividade que sexa de interese público ou colectivo. A concesión das axudas tramitarase en réxime de concorrencia competitiva a través de cada GDR.
Os interesados teñen de prazo ata o vindeiro 31 de xaneiro para presentar as solicitudes, que no noso ámbito de actuación (territorio Costa da Morte) deberán ser dirixidas ao Grupo "Asociación Costa da Morte - GDR". Así mesmo, deberán presentarse co formulario e coa documentación prevista nas bases reguladoras desta convocatoria e segundo os Criterios e Normas de xestión do GDR.
> Departamento de comunicación do GDR Costa da Morte
Para máis información:
- 981 71 73 58 (Centraliña) - www.gdrcostadamorte.com -Twitter: @GDRCostadamorte - gdrcostadamorte.wordpress.com - Tamén podes visitar a nosa páxina en Facebook
