O GDR Costa da Morte aprobou a proposta de selección de proxectos non produtivos da convocatoria Leader PEPAC 2025-2026

Vimianzo, 1 de agosto de 2025

A Xunta Directiva da Asociación Costa da Morte - GDR, presidida por Manuel Muíño, na sesión celebrada o pasado 30 de xullo de 2025, revisou as solicitudes de axuda presentadas na convocatoria 2025-2026 ao abeiro do Programa Leader PEPAC 2023-2027 e tomou, entre outros, os seguintes acordos:

1.- Proposta de Aprobación dos Proxectos Non Produtivos Públicos seleccionados:

TÍTULO PROXECTO	PROMOTOR	INVESTIMENTO	AXUDA PROPOSTA
Deseño e desenvolvemento de nova web do Concello de Coristanco	Concello de Coristanco	10.587,50 €	8.512,35 €
Nova web do Concello de Zas	Concello de Zas	15.004,00 €	10.000,00 €
Aula Audiovisual Dixital en Olveira	Concello de Dumbría	17.908,00 €	14.254,77 €
Centro de Envellecemento Activo e saudable en Orbellido	Concello de Vimianzo	25.842,45 €	19.847,00 €
Obras de acondicionamento interior para aula de formación en Corcoesto	Concello de Cabana de Bergantiños	27.723,23 €	20.736,98 €
Portal web do Concello de Cee	Concello de Cee	12.100,00 €	8.857,20 €
Adaptación do salón de actos da Casa da Cultura para a realización de congresos e actividades	Concello de Corcubión	18.016,90 €	13.116,30 €
Proxecto de desenvolvemento da aplicación informática para a inscrición nos servizos e nas actividades culturais e deportivas municipais	Concello da Laracha	23.232,00 €	10.000,00 €
Rehabilitación e Recuperación das Fontes e Lavadoiro do Bieiteiro, no Concello de Laxe	Concello de Laxe	15.606,24 €	7.483,24 €
TOTAL		166.020,32 €	112.807,84 €

2.- Proposta de Aprobación dos Proxectos Non Produtivos Privados Seleccionados:

TÍTULO PROXECTO	PROMOTOR	INVESTIMENTO	AXUDA PROPOSTA
Acondicionamento de local do teleclub de Buño como centro de inclusión para combater a soidade non desexada no medio rural (programa acompáña-te no rural)	Asociación Cultural Progreso	73.948,79 €	38.000,00 €

3.- Proxectos Non Produtivos en Lista de Agarda:

Por falta de fondos para proxectos non produtivos de carácter público, quedaron en lista de agarda outros 2 proxectos:

1.- “Rehabilitación de muro medianero na Casa do Concello” (Concello de Fisterra)

2.- “Pan de Carballo, produto artesán” (Concello de Carballo)

Enviouse a AGADER a proposta de selección/non selección dos proxectos detallados anteriormente para que emita as resolucións correspondentes a esta convocatoria e llas envíe a cada unha das entidades promotoras.

4.- Proxectos Produtivos.

Por outra parte, presentouse nesta xuntanza a relación de proxectos de carácter produtivo presentados á convocatoria LEADER PEPAC 2025-2026, proxectos que xa están revisados polo equipo técnico do GDR e remitidos a AGADER para a verificación dos correspondentes informes de elixibilidade. Estes expedientes serán sometidos a aprobación pola Xunta Directiva unha vez que a Axencia remita as verificacións dos proxectos ao GDR.

---

> Departamento de comunicación do GDR Costa da Morte

Para máis información:

- 981 71 73 58 (Centraliña) - www.gdrcostadamorte.com -Twitter: @GDRCostadamorte - gdrcostadamorte.wordpress.com - Tamén podes visitar a nosa páxina en Facebook

---