INTERRITMOS RAÍCES VIVAS: REMATA A RESIDENCIA CREATIVA EN ESPAZO NATURE (RAZO)
- hace 3 días
- 1 Min. de lectura
Vimianzo 11 de marzo de 2026
A residencia creativa Interritmos Raíces Vivas pechou a súa terceira edición en Espazo Nature (Razo - Carballo) tras catro días de traballo intensivo nos que oito proxectos emerxentes exploraron novas conexións entre a música galega de raíz e o flamenco contemporáneo.
Durante a residencia, as persoas participantes desenvolveron un programa centrado na identidade artística, a estética escénica e a comunicación profesional, acompañadas por especialistas dos ámbitos da música, a escena, a imaxe e a xestión cultural. Ademais, realizaron sesións profesionais de fotografía e vídeo para a creación dos seus kits de prensa e traballaron a preparación do seu discurso de presentación ante programadores e entidades culturais.
O proxecto de cooperación "Interritmos - Raíces Vivas" está promovido polos Grupos: Asociación Deloa (entidade coordinadora), Ribeira Sacra-Courel, Costa da Morte, Miño-Ulla, Salnés - Ulla - Umia, Asdecomor, Comarca de Lugo, Adercou, Terra e Auga, Sil Bibei Navea e Pontevedra Norte, no marco do Leader Galicia 2023–2027, coa colaboración da Fundación Paideia Galiza e da Fundación Paco de Lucía. A iniciativa consolídase como un espazo de encontro que impulsa a creación artística, a innovación e a conexión entre tradición e vangarda.
> Departamento de comunicación do GDR Costa da Morte
Para máis información:
- 981 71 73 58 (Centraliña)
-Twitter: @GDRCostadamorte
- Tamén podes visitar a nosa páxina en Facebook
Comentarios