Curso sobre o Caderno Dixital Agrario en Vimianzo
- Admin
- hace 27 minutos
- 1 Min. de lectura
Vimianzo, 17 de xullo de 2025
O GDR Costa da Morte continúa coa súa programación formativa para este 2025 cun novo curso práctico sobre o Caderno Dixital Agrario, que se iniciará no mes de setembro, concretamente o seu inicio está previsto para o mércores 10 de setembro e desenvolverase na Casa da Cultura de Vimianzo, en horario de tarde.
A sesión está dirixida a persoas agricultoras e gandeiras que desexen aprender a utilizar esta ferramenta obrigatoria para a xestión das explotacións, coñecer os requisitos normativos actuais e resolver dúbidas prácticas sobre a súa aplicación.
Esta acción formativa comezará o 10 de setembro e estenderanse ata o 1 de outubro en horario de tarde (15:00 h - 19:00 h) celebrándose unha xornada por semana coa seguinte distribución e programa:
Introdución e Fundamentos: mércores 10/09/2025; horario de 15:00 a 19:00 horas
Uso de Software e Ferramentas: mércores 17/09/2025; horario de 15:00 a 19:00 horas
Uso de Software e Ferramentas: mércores 24/09/2025; horario de 15:00 a 19:00 horas
Análise e Optimización: mércores 01/10/2025; horario de 15:00 a 18:00 horas
O curso é gratuito, con prazas limitadas, e require INSCRICIÓN PREVIA.
Esta iniciativa enmárcase na estratexia do GDR Costa da Morte para promover a sustentabilidade, o emprendemento e a valorización do medio rural, dentro do programa LEADER PEPAC 2023-2027.
Máis información e inscricións:
> Departamento de comunicación do GDR Costa da Morte
Para máis información:
- 981 71 73 58 (Centraliña) - www.gdrcostadamorte.com -Twitter: @GDRCostadamorte - gdrcostadamorte.wordpress.com - Tamén podes visitar a nosa páxina en Facebook
コメント