Nova edición do Programa de Democratización do Coñecemento na Costa da Morte (Universidade Sénior)

Vimianzo 4 de febreiro de 2022

A Universidade Sénior pon en marcha, coa financiación da Xunta de Galicia, e en colaboración co Grupo de Desenvolvemento Rural “Costa da Morte” e mailo Concello de Zas, a 4ª edición do Programa de Democratización do Coñecemento na Costa da Morte, que se desenvolverá entre os meses de febreiro e abril, no Centro Sociocultural de Baio (Zas).


A Universidade Sénior, o Programa Universitario para Maiores de 50 anos da Universidade da Coruña pon en marcha, coa financiación da Xunta de Galicia, e en colaboración co Grupo de Desenvolvemento Rural “Costa da Morte” e mailo Concello de Zas, a 4ª edición do Programa de Formación Universitaria Específico para os adultos maiores, que se desenvolverá entre os meses de febreiro e abril, no Centro Sociocultural de Baio (Zas).

A inscrición, que é gratuíta, poderá realizarse de xeito on-line a través do espazo web UDC Sénior Costa da Morte (https://udcseniorcostadamorte.wordpress.com/ ) ou presencialmente a través dos ADL (Axentes de Desenvolvemento Local) dos diferentes concellos, dende o 7 ata o 20 de febreiro.

O programa consta de tres módulos, con sesións teóricas e prácticas, impartidas, en dous días a semana, por profesorado da Universidade da Coruña, nas que se abordarán diferentes temáticas:


MÓDULO I: PATRIMONIO SOCIAL E CULTURAL

  • Língua e Literatura Galegas”. X. López Viñas. 23 de febreiro, de 17 a 19 h.

  • “Camiños da Arte Contemporánea”. J. Ramón Soraluce Blond. 24 de febreiro, de 17 a 19 h.

  • “Catro Etapas da Arquitectura Antiga de Galicia”. Álvaro J. Iglesias Maceiras. 2 de marzo, de 17 a 19 h.

  • Visita cultural no entorno da Costa da Morte. 4 de marzo de 2022, de 10:30 a 13:30 horas.

MÓDULO II: MEDIO AMBIENTE E SUSTENTABILIDADE

  • “Enxeñaría e Tecnoloxía Ambiental”. M. Soto Castiñeiras. 9 de marzo, de 17 a 19 h.

  • “Agronomía do Mar”. J. Cremades Ugarte. 10 de marzo, de 17 a 19 h.

  • “Agronomía Terrestre”. Federico Pomar Barbeito. 16 de marzo, de 17 a 19 h.

  • Saída de campo no entorno da Costa da Morte. 18 de marzo, de 10:30 a 13:30 horas.

MÓDULO III: SAÚDE E BENESTAR

  • “Viaxe cara un Sono mellor”. C. de Labra Pinedo. 23 de marzo de 2022, de 17 a 19 h.

  • “Coidamos no Fogar: Estratexias para Coidadores de Persoas Dependentes”. Ivan de Rosende Celeiro. 24 de marzo, de 17 a 19 h.

  • “Educación para a Saúde: Exercicio Terapéutico”. Isabel Raposo Vidal. 30 de marzo, de 17 a 19 h.

  • Sesión práctica de Exercicio Terapéutico. 1 de abril, de 10:30 a 13:30 h.

O día 31 de marzo, a partir das 17 horas, terá lugar o Acto de clausura coa Conferencia “Cine e Creatividade para Seniors”, a cargo de Domingo D. Docampo e Manolo Gómez, e farase a entrega de diplomas ós participantes.

Con este Programa, a Universidade Sénior achégase un ano máis ás persoas maiores de 50 anos das comarcas de Costa da Morte, ca intención de seguir dando resposta as súas inquedanzas e necesidades formativas como ven facendo desde a súa primeira edición o ano 2018.

 

DESCARGAS_

> Díptico do programa

 

MÁIS INFORMACIÓN_

> Axentes de Desenvolvemento Local da Costa da Morte

> No Concello de Zas: Isabel Agra Pose

> T. 981708303- Ext 25

> isabel.agra@concellodezas.org)

Entradas destacadas
Entradas recientes