Foro final: proceso de elaboración da Estratexia do programa LEADER da Costa da Morte

Vimianzo, 29 de maio de 2023.

Unha vez realizada e presentada a AGADER a primeira parte da EDLP da Costa da Morte, na cal se elaborou a diagnose do territorio e o análise DAFO, a través da participación de axentes socioeconómicos do territorio e cidadanía en xeral nos distintos foros desenvoltos nos meses de novembro e decembro de 2022; é o momento agora de definir os obxectivos e posibles proxectos que se poidan implementar para o período 2023-2027.

Por tal motivo, convócase a todos os axentes interesados en colaborar neste proceso de elaboración da Estratexia a un Foro Final de participación cidadana que se desenvolverá o vindeiro martes 6 de xuño ás 19:00 horas no Centro Sociocultural de Baio (Concello de Zas).

Nesta xuntanza sentaranse as bases do que será o vindeiro programa LEADER para o noso territorio.

Agradecemos a participación cidadana neste proceso de elaboración da EDLP do GDR Costa da Morte.

> Departamento de comunicación do GDR Costa da Morte

Para máis información:

- 981 71 73 58 (Centraliña) - www.gdrcostadamorte.com -Twitter: @GDRCostadamorte - gdrcostadamorte.wordpress.com - Tamén podes visitar a nosa páxina en Facebook