ENCONTRO PARA IMPULSAR O NETWORKING ENTRE AS EMPRESAS ASOCIADAS Á MARCA COSTA DA MORTE - TERRA ATLÁNTICA.

July 3, 2020

 

 

No día de onte o GDR celebrou unha xornada sobre Networking coas empresas asociadas á marca de calidade "Costa da Morte - Terra Atlántica". Nesta sesión recolléronse as principais inquedanzas e propostas das entidades para abrir vías de colaboración e tamén se fixaron estratexias de comunicación entre as propias empresas da marca. Tratouse de facer unha análise da situación actual da marca e de como mellorar o posicionamento da mesma e a utilidade para as empresas, sobre todo, tendo en conta o escenario actual tras o confinamento pola pandemia do covid-19.

 

A comunicación será outro dos eixes deste programa de xornadas, que o 9 de xullo  dedicará unha sesión para achegar ás empresas adheridas á marca consellos e ferramentas para optimizar a súa estratexia comunicativa a través de canles offline e online. Celebrarase en Baio en horario de tarde, trasladando a hora de inicio para as 20:00 horas, despois de consensualo coas empresas asistentes ao evento de onte, por considerala unha franxa horaria máis axeitada para acadar unha maior participación e asistencia de socios.


O obxectivo final deste programa de xornadas é potenciar as capacidades das empresas no novo contexto orixinado pola pandemia da covid-19 e procurar os puntos de conexión entre as empresas de distintos sectores de actividade, para atopar oportunidades que beneficien á economía da Costa da Morte e a reforcen ante os retos futuros.

 

 

 

Para realizar calquera consulta ou solicitar máis información, pódese contactar no seguinte teléfono e enderezo electrónico: 981 71 73 58 e info@terratlantica.gal

 

 

 

MÁIS INFORMACIÓN: >Terratlantica

Facebook
Twitter
Please reload

Entradas destacadas

Terra Atlántica suma seis novas empresas e amplía a súa promoción entre os Concellos da Costa da Morte.

July 31, 2020

1/5
Please reload

Entradas recientes