Dumbría atópase situada na franxa costeira entre Cee e Carnota, con unha superficie de 125 km2, é un concello practicamente interior, con unha única e espectacular saída ó mar, a fervenza do Xallas, único río da Europa continental que desemboca directamente no oceáno deste xeito.

Dumbría ten un relevo accidentado no que se alternan montes, grandes pradeiras e vales con diversos cultivos. Unha ampla rede hidrográfica irriga o seu territorio, o río principal é o Xallas que percorre todo o linde meridional do concello, mentres que polo norte o río Castro marca o linde có concello de Muxía. Ten un clima oceánico, con temperaturas suaves, a temperatura media oscila entre 13o e 14o, apréciase unha leve oscilación térmica entre as zonas de costa e as de interior. Parte da paisaxe de Dumbría está incluida como Lugar de Importancia Comunitaria (LIC) Carnota-Monte Pindo, integrada na Rede Natura 2000, e declarada Zona de Especial Protección dos Valores Naturais.