GDR Costa da Morte

Quen é a Asociación Costa da Morte-GDR?

É unha asociación sen ánimo de lucro que se constituiu coa finalidade de ser o núcleo de integración e representación dos diferentes axentes territoriais, institucionais, sociais e económicos, tanto públicos como privados, interesados en promover o desenvolvemento do seu territorio de actuación.

Cal é o Territorio de Actuación da Asociación?

O dos concellos de: Camariñas, Carnota, Cee, Corcubión, Dumbría, Fisterra, Mazaricos, Muxía, Vimianzo e Zas.

Cando se creou ?

Houbo dúas asembleas constituíntes:

1ª.- O 19 de xullo de 2008, en Baio, nela acordouse o seguinte:

• Elexiuse o nome: “Asociación Costa da Morte-GDR”
• Aprobáronse as cotas de entrada e mantemento anual (20€ entidades privadas e 500€ concellos)
• Aprobouse o número de representantes por Mesas Sectoriais que forman parte da Xunta Directiva (máximo de 29 membros)

2ª.- O 8 de Agosto de 2008, en Vimianzo, nela acordouse o seguinte:

• Elexíronse os representantes de cada Mesa Sectorial
• Elexíronse as persoas para ocupar os cargos de: Presidente/a, Vicepresidente/a, Tesoureiro/a e Secretario/a.
• Aprobáronse os Estatutos Sociais e quedou formalmente constituida a asociación.

Funcións do GDR

A Asociación foi creada no 2008 para concurrir á xestión do Programa “Leader Galicia 2007-2013”. Na actualidade somos un Grupo de Desenvolvemento Rural e levamos a xestión do Programa Leader no noso territorio de actuación. Este Grupo de Desenvolvemento Rural (GDR) ten como función principal executar o seu Programa de Desenvolvemento Rural LEADER 2007-2013. No marco desta función xenérica, corresponderalle:

1. Informar e asesorar á poboación rural sobre o contido e alcance do programa de desenvolvemento rural e incentivar a participación activa no mesmo.
2. Promover e captar iniciativas, así como acompañar aos promotores no proceso de maduración de proxectos.
3. Avaliar e seleccionar proxectos promovidos polos promotores do territorio.
4. Efectuar, por delegación de AGADER, o control e seguimento da execución dos proxectos.

O GDR axustará a súa actividade aos principios de colaboración, obxetividade, imparcialidade, eficacia, eficiencia, transparencia, publicidade e libre concurrencia.

Órganos da Asociación

Colexiados:

• Asemblea Xeral
• Xunta Directiva
• Mesas Sectoriais

Unipersoais:

• Presidente/a: Manuel Muiño Espasandín
• Vicepresidente/a: Manuel Soto Pérez
• Secretario/a: Mª Olga Campos Sánchez
• Tesoureiro/a: Ramón Sestayo Lestón

Mesas Sectoriais e Número de Representantes

• Sector Agrario e Gandeiro (3)
• Sector Forestal (1)
• Asociacións de Mulleres (1)
• Asociacións Xuvenís (1)
• Asociacións Culturais, Recreativas e Medio Ambientais (3)
• Asociacións Deportivas (1)
• Asociacións de Veciños (2)
• Asociacións multisectoriais de empresarios, axentes sociais e sectores non adscritos noutras mesas (3)
• Sector Turismo, Hostalería e Artesanía (3)
•  Sector Institucional (11)

Equipo Técnico

O GDR, para a xestión do Programa Leader Galicia 2007-2013, conta co seguinte equipo técnico:
Xerente: José Antonio Vila García
Administrativa: Mª Soledad Facal Ameijeiras

Listaxe de ligazóns

• Camiños dos Sabores de Galicia
• Nuevos Horizontes

Listaxe de descargas

• Guía Turística do GDR Costa da Morte
• MAPA - GUÍA TURÍSTICA DO TERRITORIO GDR COSTA DA MORTE
• GUÍA DE PROXECTOS 2011