INTERRITMOS CHEGA A MAZARICOS CUNHA XORNADA PARA CONECTAR COA TRADICIÓN
- 27 abr
- 1 Min. de lectura
Vimianzo 27 de abril de 2026
O proxecto de cooperación Interritmos Raíces Vivas continúa o seu percorrido e fará parada en Mazaricos o vindeiro 8 de maio, cunha proposta aberta ao público para sentir, compartir e conectar coa tradición desde unha ollada contemporánea.
A xornada contará coa participación da bailaora Yolanda Osuna e do creador e intérprete Xurxo Fernandes, que guiarán unha experiencia arredor da música e da danza de raíz. Ademais, a sesión estará amenizada musicalmente por Yas Deluaces, sumando novas sonoridades ao encontro.
O evento terá lugar no Auditorio da Casa da Cultura da Picota, en horario de 18:00 a 20:00 horas, con entrada de balde ata completar aforo.
Ao remate da actividade, as persoas asistentes poderán desfrutar dunha degustación de produtos locais, reforzando así o vínculo entre cultura e territorio.
O proxecto de cooperación "Interritmos - Raíces Vivas" está promovido polos Grupos: Asociación Deloa (entidade coordinadora), Ribeira Sacra-Courel, Costa da Morte, Miño-Ulla, Salnés - Ulla - Umia, Asdecomor, Comarca de Lugo, Adercou, Terra e Auga, Sil Bibei Navea e Pontevedra Norte, no marco do Leader Galicia 2023–2027, coa colaboración da Fundación Paideia Galiza e da Fundación Paco de Lucía. A iniciativa consolídase como un espazo de encontro que impulsa a creación artística, a innovación e a conexión entre tradición e vangarda.
As inscricións poden realizarse chamando ao 981717358 ou a través do correo electrónico gdrcostadamorte@gdrcostadamorte.com
> Departamento de comunicación do GDR Costa da Morte
Para máis información:
- 981 71 73 58 (Centraliña)
-Twitter: @GDRCostadamorte
- Tamén podes visitar a nosa páxina en Facebook
Comentarios